ڕادۆن؛ مەترسییەکی نەبینراو لە ماڵەکاندا و دوژمنێکی جددی تەندروستی
13.10.2023
ڕادۆن گازی تیشکدەرێکی نەبینراو و بێ بۆنە کە دەتوانێت بە هێواشی و بێ ئاگا دزە بکاتە ناو ماڵەکان و لە درێژخایەندا ببێتە هۆی شێرپەنجە. لە ڕۆژی نیشتمانی "رادۆن" کە لە لۆکسمبۆرگ بەڕێوەدەچێت، مەترسییەکانی ئەم گازە لەبەرچاو دەگیرێت.
چۆن بتوانین ماڵەکانمان لەم مەترسییە بپارێزین؟
ڕادۆن هۆکاری دووەمی تووشبوون بە شێرپەنجەی سییەکانە و هەرچەندە تەنها ٥ بۆ ١٥%ی حاڵەتەکانی ئەم جۆرە شێرپەنجەیە بەهۆی بەرکەوتن لەگەڵ ڕادۆن، بەڵام نابێت ئەمە بە هیچ شێوەیەک پشتگوێ بخرێت. وەزارەتی تەندروستی لۆکسمبۆرگ ئامۆژگاری دەکات کە پێویستە ئاگاداری بکرێتەوە، بەتایبەتی لە باکووری ئەو وڵاتە کە چڕیی ڕادۆن زیاترە. هۆکاری ئەم زیادبوونە لە ناوچەی باکوور بەهۆی خاکی شیستەوەیە. لەم ناوچانەدا گازی خاک بە ئاسانی دەچێتە ناو خانووەکانەوە، بەتایبەتی لەو خانووە کۆنانەی کە تەختەی کۆنکرێتییان نییە.
بۆ پێوانەکردنی چڕیی ڕادۆن لە ماڵەوە، خەڵک دەتوانن لە ڕێگەی sante.lu داوای کیتێکی بێبەرامبەری لەگەڵ هەستەوەر بکەن. پاشان دەبێت کیتەکە بۆ ماوەی سێ مانگ لە نێوان مانگەکانی تشرینی یەکەم و نیسان لە ماڵەکەدا دابنرێت. پاشان دەبێت کیتەکە بگەڕێنرێتەوە بۆ ئەوەی لە تاقیگەیەکی تەندروستیدا هەڵسەنگاندنی بۆ بکرێت. زۆرترین بڕی ڕێگەپێدراو بۆ ڕادۆن لە هەر مەتر سێجایەکدا ٣٠٠ بیکورێلە. ئەگەر ئەم بەهایە گەیشتە ٦٠٠، پێویستە هەنگاو بنرێت بۆ ئەنجامدانی ئاوەدانکردنەوە و پاککردنەوە.
لە کۆتاییدا، تەنانەت ئەگەر دراوسێکەت بەرکەوتەی ڕادۆنیش نەبێت، ئەوە مانای ئەوە نییە کە تۆ بەرکەوتەی ڕادۆن. بۆ دڵنیابوون لەم بابەتە باشتر وایە خۆت چڕیی ڕادۆن بپێویت.